VOV4.M'nông: Ôi 25/10, ta Hà Nội, Kruanh dak Nguyễn Xuân Phúc râng nkah ndray 75 năm nar way ơm Học viện An ninh nhân dân, wơt dơn Huân chương Chiến công hạng Nhất n'hanh ntơm pơk năm nti 2021-2022. Ntơh măt Kruanh rđău kan Đảng, Ngih dak, Kruanh dak Nguyễn Xuân Phúc hŏ ntăm an Huân chương Chiến công hạng Nhất an Học viện An ninh nhân dân n'hanh goh gâr ntơm pơk năm nti mhe bah Học viện. Ta rơh lễ nkah ndray, Kruanh dak dăn đă Học viện An ninh nhân dân ân rgâl mhe nău mĭn n'hanh nău dâk kan dăng lơn gay rdâk njêng Học viện tâm ban đah nău dơn kan, ƀư lôch jêh uĕh tay nău kan ntĭm nti, rgop mât rnă njrăng neh dak, đăp mpăn lam rêh jêng kon nuĭh; Rgâl mhe tay lĕ rngôch mpeh ntĭm nti, njêng nău rgâl tơm, dăng mpeh săk blău kan gay pă an, kơi ntop ăp tŏng tơm cán bộ săk blău âk, tŏng đah nău ŭch geh rdâk njêng mpôl kan Công an ƀon lan cách mạng, chính quy, đăng hăr, têh blău mhe, rhŏ dŏng geh nău tam nău dơn kan rdâng lơh mât njrăng n'hanh mât uĕh neh dak n'hanh rnă njrăng neh dak tâm nô nău mhe./.

Nuĭh rblang: Điểu Thân