VOV4.Mnông- Kruanh dak Nguyễn Xuân Phúc mhe tât râng rơh kahgĭt 60 năm nar njêng mpôl công an kan mpôn 29/9 n’hanh geh pă Huân chương mât ngih dak hạng 2 an Cục ngoại tuyến, n’gâng kan công an.

Ntoh ngơi ta rơh tâm mâp, kruanh dak rnê âk ăp rơh kan bâh Cục ngoại tuyến way geh n’hao nău mĭn kan cách mạng tiến công, rlet rlău nău jêr jŏt, ŏ r’ah, tâm lơh, khĭt ji geh nău dơi lĕ rngôch ăp nău kan, njêng geh âk nău dơi, nău geh ntoh lư tâm lĕ rơh tâm lơh rdâng Mỹ n’hanh rơh mhe aƀaơ, ntop ƀư ueh tay nău way ơm têh kuăng bâh Công an nhân dân Việt Nam. Kruanh dak đă Cục ngoại tuyến an geh n’hao tay nău dơi têh dăng way ơm ntŭk kan tahen ƀon lan, rdâk njêng Đảng bộ n’gâng kan Ngoại tuyến n’hanh rdâk njêng mpôl công an kan mpôn ngăn ngên kloh ueh nâp dăng nđâp mpeh chính trị, nău mĭn, leo kan mĭn kan n’hanh nău way kan.

Nuĭh rblang: Thị Đoắt