VOV4.M’nông – Kêng măng 26/10, ta ntŭk Kruanh dak, Kruanh dak Nguyễn Xuân Phúc wơt wa Tredene Cherie Dobson, Đại sứ New Zealnand ta Việt Nam. Kruanh dak Nguyễn Xuân Phúc uănh lah prêh Đại sứ geh âk nău ƀư khlay ntrôl kan ndrel 2 dak. Tâm rnôk chôt srê Covid-19, Kruanh dak dăn đă Đại sứ tâm rgop ntrôl tâm rgâl mpôl kan gưl prêh n’hanh ăp gưl, mbơh ƀư ăp trong tâm rgâl ngăch uĕh, n’ăp trực tuyến; ký ton bôk nău kan mbơh ƀư tâm boh kan ndrel tâm năm aơ. Kruanh dak ŭch 2 dak nsrôih ơm geh prăk tăch rgâl geh 2 rmen đôlar. 2 dak an mât uĕh nău kan ndrel rjăp n’hanh kơl nsrel tay ta ăp rƀŭn nchră, rƀŭn ăp ding kơt tâm ăp nău kan têh tâm nkual n’hanh lam ntŭr neh.

Nuĭh rblang: Y Sưng Phê Ja