VOV4.M'nông: Nthoi tay nău kan ta Hoa Kỳ nkhêp geh tât râng Đại hội đồng Liên Hợp Quốc tâl 76 ntơm bah nar 20 - 25/9/2021, ta nkual ƀon têh New York, Kruanh dak Nguyễn Xuân Phúc hŏ wơt dêh bên ăp băl mpôl Hoa Kỳ, tă bah wa bu ur Merle Ratner, Nuĭh mât bôk kan bah mpôl rgŏ jă kơl nuĭh ji khêh dak si dioxin Việt Nam ta Hoa Kỳ ƀư kruanh mpôl. Ta rơh wơt, Kruanh dak Nguyễn Xuân Phúc lah uĕh nău kơl bah băl mpôl Hoa Kỳ hŏ geh âk nău kan ngăn ngăn kơl ăp nuĭh ji khêh dak si dioxin, bom mìn hôm n'hơt tay lôch bah tâm lơh tâm su Việt Nam. Kruanh dak lah rjăp rlău 25 năm plơ̆ tay kơt ơm, tâm boh Việt Nam – Hoa Kỳ hŏ nar lơn ma lăp jru, geh nău dơi, nâp jŏ; tâm nê rnê âk nău ton n'hanh nău ntop kơl bah Hoa Kỳ mpeh nkra bah khuch tâm lơh tâm su an tay bah kơi, rgop uĕh tâm rnôk rdâk njêng nuih n'hâm nsing nơm đah nău nsrôih mô gŭ rlu bah bar mpeh. Kruanh dak mpơl nău ŭch rŏng băl mpôl Hoa Kỳ kơl tay nău tâm boh tâm rnglăp n'hanh tâm boh đah bar dak, lơn lah tâm nkô̆ nău nkra bah dak si khêh dioxin./.

Nuĭh rblang: Điểu Thân