VOV4.Mnông- Di nar rnê nău blău kan Việt Nam 4/10, kruanh dak Nguyễn Xuân Phúc mhe geh  săm ƀŭt kuăl đă hăn ndrel đah nău dơi pah kan: “Yor du Việt Nam geh nău dơi rdâng đah nuh srê n’hanh hun hao nâp nâl”. Tâm săm ƀŭt geh nchih: Đảng n’hanh ngih dak he way geh mât uănh, leo kan ntrŭnh mbơh âk nău ntrŭnh, nău kơl gay ma hun hao nău dơi pah kan. N’hanh bâh nău ngăn, mpôl kan geh nău blău kan, ngăn lah nuĭh lĕ dŭt blău kan, lĕ geh âk nău tâm rgop têh an hun hao wăng sa- rêh jêng. Di nar rnê ăp nuĭh pah kan blău Việt Nam 4/10 năm aơ, gâp kuăl đă lĕ rngôch nuĭh pah kan tâm dak mô rlu kơt nti, nti nău kan, geh nău rklă kan mhe gay ma rgâl ueh ngăch nău kan n’hanh n’hao an săk rnglăy nău pah kan. Rnôk aơ mpôl he hôm nha an geh nsrôih âk lơn gay ma nsum ti rlet rlău nuh srê Covid-19. Gâp geh du nău knơm an lah nuĭh pah kan Việt Nam way geh n’hao lĕ rngôch nău mĭn n’hanh nău dơi kan nơm gay ma hun hao tâm nău nti, nău kan n’hanh nkra njêng, ntop ndơ̆ dak he ơm geh nău dơi đah nuh srê n’hanh ntrôl an hun hao nâp nâl, têh kuăng ta rơh mhe tay.

Nuĭh rblang: Thị Đoắt