VOV4.M’nông: Ta ntŭk kan N’gâng kan nchră nau, Kruanh n’gâng kan nchră nau Bùi Thanh Sơn hŏ kuăl điện thoại tâm nchră đah Bí thư Đảng uỷ nkuăl mât njrăng êng rnoi Choang Quảng Tây (Trung Quốc) Lộc Tâm Xã. Ta rnôk kuăl aơ, Kruanh n’gâng kan Bùi Thanh Sơn lah rjăp, Đảng, Ngih dak ndrel ƀon lan Việt Nam bah năp ba kơi kơt ngoai uănh khlay nau tâm boh tâm dăch, kan nsum tâm âk nau kan Việt Nam-Trung Quốc, tâm nê, mro kơl an N’gâng kan, ntŭk kan, n’gor bah Việt Nam n’hao nau tâm boh kan nsum đah Quảng Tây. Mpeh nau tâm boh jŏ jong tâm rơh tât, Kruanh Bùi Thanh Sơn đă bar ding mât nau tâm boh tâm nchră, tâm mâp đah gưl prêh đah nau kan ueh, n’hao nau tâm pă mbơh nau mhe, nau kan geh tât nau njrăng, rdâng srê, tâm rgop nsum gay ma njrăng rdâng srê tâm nkuăl n’har bri, kơt tĭng ăp nau kan gay ma mât nau hun hao tâm boh văng sa, tăch rgâl, pơk trong nơih ân ndoh ndơ Việt Nam geh tăch lăp tâm Trung Quốc./.

Nŭih rblang: H’Thi