VOV4.M’nông: Ndơn nau jă bah Đại tướng Phan Văn Giang-Uỷ viên Bộ chính trị, Kruanh n’gâng kan neh dak Việt Nam, wa Kishi Nôbu-Kruanh n’gâng kan neh dak Nhật Bản hŏ khâl ngăn Việt Nam ntơm lơ 10-12/9. Bar kruanh n’gâng kan ntơm tâm nchră, uănh sŏng nau tâm boh neh dak tâm rơh rlau aơ, tâm nchră mpeh nau kan lam ntur neh, nkuăl ndrel uănh khlay. Tâm nê, geh nau khlay bah trong dah rŏng dak lêng ndrel trong trôk bah năp nau tât jêr tâm nkuăl.

Bar ding ndâl tay nau khlay ngăn bah nau kơt tĭng luật lam ntur neh, geh nau kan Công ước Liên hợp quốc mpeh Luật dak lêng 1982 (UNCLOS 1982), tâm nchră mpeh nau blau njrăng, rdâng srê Covid-19 bah tahen ăp dak. Tâm rnôk hun hao nau tâm boh mhe bah nau tâm boh đah Việt Nam-Nhật Bản, 2 ding lah rjăp nau mra nsôih ntrŭt dăng nau tâm boh kan nsum, ngăn lah tâm n’đur gưl prêh ndrel tâm boh âk ding, gay rgop ngăn tâm nau đăp mpăn, hun hao bah nkuăl ndrel lam ntur neh./.

Nŭih rblang: H’Thi