VOV4.M’nông: Đại tướng Phan Văn Giang, Uỷ viên Bộ chính trị, Kruanh n’gâng kan neh dak vơt wa Park Jae Min, Kruanh n’gâng kan neh dak Hàn Quốc tâm rmôt kan gưl prêh dak aơ hăn Việt Nam râng tâm nchră nau kan neh dak Việt Nam-Hàn Quốc tal 9. Đại tướng Phan Văn Giang lah rjăp, tâm bơi tât 30 năm kơp ntơm rnôk ndâk nau tâm boh nchră nau, ngăn lah rnôk ndâk nau tâm boh “Kan nsum nau kan jong”, nau tâm boh kan nsum Việt Nam-Hàn Quốc hun hao lơn ma nâp, jru ndrel ngăn.

Ngăn lah văng sa tăch rgâl ndrel ntuh kơl, rgop nau hun hao văng sa-rêh jêng, n’hao nau tâm gĭt rbăng nsum ndrel nau tâm boh đah tahen ndrel ƀon lan bar dak. Rnê prêh nau tă geh rơh tâm nchră nau kan neh dak Việt Nam-Hàn Quốc tal 9 ndrel nsôih, tâm boh đah n’gâng kan 2 dak tâm rơh rlau aơ, Kruanh n’gâng kan Phan Văn Giang ŭch tâm rơh tât, 2 ding ân lŏ n’hao lơn tay nau tâm boh kan nsum ân geh săk tam ndrel ngăn tâm âk nau kan./.

Nŭih rblang: H’Thi