VOV4.M’nông – Wa Trần Hồng Tiến, Bí thư Nkuăl ủy nkuăl Krông Pách, n’gor Dak lak an gĭt: nkuăl mhe kơp dơn du hê lah kruanh bah nkuăl têh Phước An geh ntưp Covid-19. Nĕ lah wa N.V.H, kruanh Đảng ủy nkuăl têh Phước An. Jêh uănh nđôi srê, tâm rnôk bah nar 6 tât 12/10, wa H. Tât âk ntŭk n’hanh mâp âk nuĭh. Jêh rnôk wa H. jêh test ngăch ntưp đah SARS-CoV-2, ngih pah kan dơi kan lĕ joi n’hanh lĕ năl geh rlău 50 nuĭh F1.

Test ngăch an ăp nuĭh geh tât nuĭh ji

Tâm nĕ, dŭt âk lah cán bộ, công chức bah nkuăl têh Phước An n’hanh cán bộ nkuăl Krông Pách. Jêh test ngăch n’hanh uănh năl đah Realtime RT-PCR bah rlău 50 nuĭh F1 geh tât wa H. lah mô ntưp đah Covid-19. Ăp nuĭh aơ aƀaơ dôl dơi nkhah êng ta ntŭk pah kan gay đăp mpăn jêh nău kan bah nkuăl têh.

Nuĭh rblang: Y Sưng Phê Ja