VOV4.M'nông: Ta thủ đô Viên, dak Cộng hòa Áo, Kruanh Quốc hội Vương Đình Huệ hŏ geh rơh mâp  6 Đại sứ Việt Nam ta châu Âu lah: Đại sứ Việt Nam ta Séc Đại sứ Việt Nam ta Slovakia; Đại sứ Việt Nam ta Hungary; Đại sứ Việt Nam ta Ba Lan; Đại sứ Việt Nam ta Áo nkre mât uănh nău kan Slovenia n'hanh Đại sứ Việt Nam ta Đức. Ta rơh mâp, ăp Đại sứ hŏ mbơh nô nău nuĭh Việt Nam ta ăp dak tơm ta ntŭk. Dŭt njrăng lah tă bah nô nău COVID-19 ta châu Âu tât krit nji tâm năm 2020, jêng kônh wa mâp dŭt âk jêr jŏt tâm tăch rgâl n'hanh nău rêh. Ăp Đại sứ nkoch, nuĭh Việt Nam ta ăp dak tơm ta ntŭk geh nău gĭt êng njrăng, n'gang nuh srê dŭt âk, way rƀŏng sĭt mpeh ƀon tơm neh dak, nsrôih kơl prăk nkrem vaccine njrăng, n'gang nuh srê COVID-19, kơl nuĭh ƀon lan nkual geh tât khuch tă bah trôk nar lơh. Mpôl nuĭh ƀon lan ta Séc hŏ kơl prăk nkrem vaccine 1,5 rmen prăk, nuĭh ƀon lan ta Đức kơl 50 rbăn Euro. Kruanh Quốc hội Vương Đình Huệ dăn đă ăp Đại sứ uănh khlay tât ăp ntil tâm nău rêh, nău kan bah nsum mpôl, dăn đă ăp Đại sứ nsrôih tĭng ƀư tay ma ăp trong kan, kơp lĕ ma trong ndăn ndơ rmeh, tâm ôp mô lah rvăt vaccine njrăng n'gang nuh srê COVID-19.

Nuĭh rblang: Điểu Thân