VOV4.Mnông- Di rơh kahgĭt nar Doanh nhân Việt Nam 13/10, kêng măng nar 7/10, ta Hà Nội, kruanh Quốc hội Vương Đình Huệ tât khâl VCCI n’hanh tâm mâp nuĭh ndơn kan doanh nhân Việt Nam di nar daonh nhân Việt Nam. Ntoh ngơi ta rơh tâm mâp, kruanh Quốc hội Vương Đình Huệ lah na nê̆, ăp nău kơl kan bâh Quốc hội, nđâp ma nău kan lập pháp, uănh nđôi gâl têh n’hanh mbơh ntrŭnh ăp nău têh khlăy bâh ngih dak an geh mbơh lor nuĭh ƀon lan n’hanh doanh nghiệp ta nklang tơm. ndơn kan an ăp doanh nghiệp, Hiệp hội rnê âk Quốc hội, Ủy ban rnâng kan Quốc hội lĕ ngăch ndăn, ngăch mbơh ntrŭnh Nghị quyết mpeh kơl an nuĭh pah kan n’hanh nuĭh dŏng nuĭh pah kan bâh rnoh roh nău kan hao tât 38 rbăn rmen prăk. Nkre lah dăn đă âk nkô̆ nău khlăy, tâm nĕ ŭch Quốc hội uănh n’hêl nău an tâm ban nghị định, thông tư gay ma mât đăp mpăn tâm di đah nău mĭn kan bâh luật n’hanh geh dŏng dâl, ntrŭnh ơm ăp nău kơl kan na nê̆ ăp doanh nghiệp dôl mâp jêr jŏt, geh nău tât bâh nuh srê Covid-19 tĭng trong dơh geh gĭt, nău ngăn, tâm di đah nău dơi geh bâh doanh nghiệp, đah ntrong kan n’hanh mbra dơi geh dơn nău kơl kan bâh ngih dak.

Nuĭh rblang: Thị Đoắt