VOV4.M’nông: Kêng măng 25/10, ta Ngih kan Quốc hội, Kruanh Quốc hội Vương Đình Huệ hŏ ƀư tơm nar pah kan đah ăp ntŭk kan geh tât nau kan kơl an rơh rƀŭn tal bôk năp, Quốc hội gưl 15 tâm pơh rlau aơ. Ntoh nau ta nar pah kan, Kruanh Quốc hội Vương Đình Huệ mbơh, ăp nar rlau aơ Quốc hội hŏ ƀư jêh bôk nau nchrăp kan, pă ƀư nau kan tâm di, khoa học, ndăn nar nchră ta rmôt ndrel ngih rƀŭn, ăp nau đăng kí bah ăp ntoh măt geh mbơh nkoch.

Kruanh Quốc hội Vương Đình Huệ lah rjăp, tât aơ tă, Quốc hội mra rgop tâm ăp nau nchrăp luật ndrel 2 bôk nau kan têh, nê lah ndâk nau kan văng sa ndrel rgum dŏng neh năm 2021-2030, rƀŏng tât năm 2050 ndrel nau nchrăp dŏng 5 năm (2021-2025) aơ lah ăp nau kan geh tât nau rêh jêng. Ndri ma, ăp ntŭk mbơh nau ân geh mbơh ân tŏng, ăp, ăp ntŭk kan bah Quốc hội ân geh mĭn, nchră ân nâp, sŏk nau rgop bah ăp ntoh măt Quốc hội./.

Nŭih rblang: H’Thi