VOV4.M’nông: Ntoh nau ta nar pah kan đah Kiểm toán Ngih dak kêng măng lơ 12/8, Kruanh Quốc hội Vương Đình Huệ đă, nau tơm năm 2022 bah Kiểm toán Ngih dak lah ƀư ăp nau mbơh geh tât nau têm nkrem, mpŭng lir ntơm năm 2016-2021 tâm ăp nau kan kơt prăk kan nsum, neh ntu, choih lŭ. Nchră tât nau kan bah Kiểm toán Ngih dak rơh rlau aơ, Kruanh Quốc hội Vương Đình Huệ ân lah, ntŭk kan kiểm toán hŏ djăt nau tă blau bah lam ntur neh, kơt tĭng tâm nau geh bah Việt Nam, nau nâp bah kiểm toán nar lơn hao, năl nau dơi nar lơn prêh, lah ntŭk kan mêt uănh drăp ndơ nsum geh nau dơi, nâp tam. Rơh tât, Kruanh Quốc hội Vương Đình Huệ đă, Rnâng kan rđau kan Đảng kiểm toán ngih dak ân ndâk bôk nau kan ƀư jêh nau ƀư n’hao nau dơi, nau săk tam bah nau kan kiểm toán ngih dak, pă mbơh nau ntrŭnh nau kan ân săk tam bah kiểm toán ngih dak tât năm 2030, ndŏ tâm rnôk geh nau rgum ƀư tĭng nau ntrŭnh tal 13 bah Đảng ndrel ăp nau ntrŭnh geh tât tâm 5 năm tât./.

Nŭih rblang: H’Thi