VOV4.Mnông- Ôi nar 19/10, ta ntŭk kan Quốc hội, kruanh Quốc hội Vương Đình Huệ leo rơh rƀŭn nchră tal 2 rnâng kan ntĭm leo bôk ntrong kan rdâk njêng n’hanh ƀư lôch ueh nău kan ngih dak pháp quyền xã hội chủ nghĩa Việt Nam tât năm 2030 mpŏng tât năm 2045. Ta rơh rƀŭn nchră aơ, rnâng kan ntĭm leo uănh n’hêl mbơh tơih mpeh bôk nău kan mbrô 10 ƀư lôch nău kan pă leo, tâm rgop n’hanh mât njrăng đah ăp ntŭk kan ngih dak tâm nău ƀư tĭng pháp quyền tư pháp đah ăp ntŭk kan, ntŭk leo kan tâm nău pah kan tư pháp an tâm di đah nău ŭch rdâk njêng, ƀư lôch ueh nău kan ngih dak pháp quyền xã hội chủ nghĩa Việt Nam.

Kruanh Quốc hội leo rơh rƀŭn nchră tal 2 rnâng kan ntĭm leo bôk nău kan ntrong kan rdâk njêng n’hanh ƀư lôch ueh nău kan ngih dak pháp quyền XHCN Việt Nam.

Ntoh ngơi ta rơh nglôch lôch rƀŭn nchră, Kruanh Quốc hội Vương Đình Huệ dăn đă, poăn nău mbơh tơih bôk nău kan geh tâm nchră lĕ geh du đê̆ nkô̆ nău way nsum, nĕ lah, ngih dak pháp quyền lah nău kan dŭt khlăy nsum bâh kon nuĭh. Nău kan ngih dak pháp quyền xã hội chủ nghĩa Việt Nam nkre lah nău lĕ rngôch bâh kon nuĭh, nkre lah nău kan êng, nău mpŏng ta ntŭk rêh jêng chủ nghĩa. N’gâng kan leo kan ngih dak lĕ geh nău mĭn êng mpeh nău way rgum nsum tâm ƀon lan ƀư tơm, nău way kan geh nău dơi bâh ngih dak, dơn ngoăy nău pă kan, tâm rgop mât uănh đah ăp ntŭk kan ƀư tĭng nău dơi, yor nĕ, ăp bôk nău kan an geh mât uănh, ƀư tĭng, mât đăp mpăn na nê̆ ăp nău kan aơ.

Nuĭh rblang: Thị Đoắt