VOV4.M’nông – Nkhêp di râng rƀŭn nchră ăp Kruanh Quốc hội lam ntŭr neh rơh tal 5, ta Ngih Liên hợp quốc ta Viên (Áo), Kruanh Quốc hội Vương Đình Huệ lĕ geh rơh mâp Tổng giám đốc ngih pah kan ŭnh nar nguyên tử Quốc tế (IAEA) wa Ra-pha-en Ma-ri-a-nô Gờ-rốt-xi. Ta nar wơt, IAEA mbơh mbrăp 3 kôp ndơ ƀư uănh năl PCR di động n’hanh du đêt rnoh âk sinh phẩm, khlay 470.000 Euro an Việt Nam tâm trong kan njrăng n’gang srê. Tổng giám đốc IAEA rnê Việt Nam dơi săch tâm Hội đồng Thống đốc IAEA năm kan 2021-2023 n’hanh ŭch Việt Nam rgop tay an IAEA. Kruanh Quốc hội Vương Đình Huệ đă, IAEA tâm pă nău blău ơm, ntop kơl kỹ thuật lôch jêh tâm pháp luật gay mât uănh n’hanh kơt dŏng săk rnglăy ŭnh nar nguyên tử gay hun hao wăng sa, hăn ndrel đah mât njrăng ntŭk ntô n’hanh rdâng đah rgâl trôk nar duh nđik, ntop kơl Việt Nam jao an công nghệ, ntĭm nti n’hanh n’hao nău blău kan mpeh kơt dŏng công nghệ hạt nhân tâm nău kan dak si, njrăng n’gang Covid-19.

Nŭih rblang: Y Sưng Phê Ja