VOV4.M’nông – Ôi (31/8), ta Jay Quốc hội, Kruanh Quốc hội Vương Đình Huệ lĕ ƀư tơm rơh rƀŭn bôk năp bah Tiểu Ban ndâk njêng chuyên đề mpeh “Nău kan ndâk njêng, lôch jêh trong pháp luật n’hanh rmôt kan thi hành pháp luật tât năm 2030, rƀŏng tât năm 2045 tâm di nău đă ndâk njêng, lôch jêh ngih dak pháp quyền xã hội chủ nghĩa Việt Nam”, (kuăl lah Tiểu ban 1).

Kruanh Quốc hội: Ndâk njêng Ngih dak pháp quyền XHCN, an rah rơch n’hanh mât uĕh nău mĭn nsum

Ta rơh rƀŭn ăp nuĭh bah Tiểu ban 1 lĕ an rgop mpeh ăp nkô̆ nău Kruanh Quốc hội Vương Đình Huệ an rah rơch, nĕ lah nău mĭn  njêng, trong ƀư an ndâk ƀư ăp rơh rgum nchră, rgŏ jă tât râng nău mĭn rvê bah âk nuĭh, nuĭh way kan, an kơt dŏng tâm di nău blău ơm bah ăp dak, dŏng nău geh bah công nghiệp 4.0. An rgop ta rơh rƀŭn, Kruanh Quốc hội Vương Đình Huệ đă, rmôt nchih rgum djăt âk nău rgop bah ăp nuĭh tâm Tiểu ban 1; kơt dŏng ăp săk rnglăy bah ăp rơh n’glôch jêh, đăp mpăn ndơn tay, uănh mĭn nău blău ơm lam ntŭr neh; tĭng nĕ hun hao nu nău n’hanh ndơ̆ an ăp nău mhe geh nău di, tâm ban ŭch âk.

Nŭih rblang: Y Sưng Phê Ja