VOV4.M’nông: Kêng măng 11/4, ta Ngih kan Quốc hội ho\ geh nau pă nkhôm Huân chương tâm rnglăp bah Hội đồng Ngih dak Cộng hoà Cuba ân Kruanh Quốc hội Nguyễn Thị Kim Ngân, mpeh ăp nau rgop đah nau tâm boh oh nô ndrel nau tâm boh tâm rnglăp đah Việt Nam-Cuba.

Dơi geh nau ân an bah Hội đồng Ngih dak Cuba, wa Fernando Gonzalez Llort, Kruanh Viện Cuba tâm boh đah ăp rnoi mpôl (ICAP) ho\ pă ân Kruanh Quốc hội Nguyễn Thị Kim Ngân Huân chương tâm rnlăp.

Kruanh Viện ICAP nkah tay ăp nau nkah ueh khlay tâm nau tâm boh tâm rnglăp khlay đah bar dak, lah rjăp ăp rơh mom ba kơi bah Việt Nam ndrel Cuba mra lo\ [ư ân ueh tay ăp ntil drăp ndơ ơm bah Kruanh Hồ Chí Minh ndrel Kruanh Fidel Castro ho\ ân ba kơi, geh ăp rơh rđau kan Đảng, Ngih dak ndrel [on lan bar dak mô rlu bun dăp tâm lôch rơh rlau aơ.

Ntoh nau rhơn ndrel nkoch nau lah ueh jru ngăn tât Hội đồng Ngih dak Cộng hoà Cuba, Kruanh Quốc hội Nguyễn Thị Kim Ngân lah rjăp mra lo\ [ư lôch n’hâm nơm gay mât ân ueh ndrel hun hao lơn tay nau tâm boh ueh ơm têh khlay, tâm rnglăp kan nsum, kloh ang, du ntrong leo ueh, du ntil nau tâm boh nâp jru đah Việt Nam ndrel Cuba./.

Nu\ih rblang: H’Thi.