VOV4.M'nông: Kêng măng nar 1/10, ta Jay Quốc hội, Kruanh Quốc hội Vương Đình Huệ râng Lễ mbơh nghị quyết mpeh nău dơi, nău dơn kan, n'glĕ nău dơi n'hanh dăp rgum mât bôk kan bah Viện gŭ mĭn njêng pháp luật n'hanh rơh hop bôk năp bah Hội đồng Khoa học bah Ủy ban Thường vụ Quốc hội.

Kruanh Quốc hội Vương Đình Huệ mbah rhơn Viện gŭ mĭn njêng pháp luật geh rpaih nduar mhe gay n'hao săk blău tay nău kan gŭ mĭn njêng pháp luật, nău way nchâp đă khlay geh nău mha êng; mbah rhơn Uỷ ban Thường vụ Quốc hội geh Hội đồng khoa học bah năm kan 2021-2026.  Mpeh nău kan bah Viện gŭ mĭn njêng pháp luật tâm let năp tay, Kruanh Quốc hội Vương Đình Huệ dăn đă, Viện ơm an dŏng ăp quy định mpeh nău dơi, nău kan bah ăp đơn vị mpeh nhih pah kan, ăp nău kan êng ƀa ƀă tĭng Nghị quyết hŏ jao, dăn đă lĕ rngôch nuĭh kan. Lơn lah sơch nuĭh kan geh nău gĭt blău, ntrŭt nsôr njêng ăp rmôt rnâng kan kơl kan, rgum nău gĭt blău bah ăp nuĭh rnâng kan, ăp nuĭh khoa học, ăp học viện, nhih nti tâm pah kan gŭ mĭn./.

Nuĭh rblang: Điểu Thân