VOV4.Mnông- Ta rơh tâm mâp đah kruanh ntŭk kan LHQ ta Áo, wa bu ur Ghada Fathi Waly, kruanh Quốc hội Vương Đình Huệ lah na nê̆, LHQ way geh nău kan dŭt khlăy tâm nău kơl an dak bah dih n’hanh hăn ndrel đah Việt Nam ta rơh rdâk njêng n’hanh hun hao neh dak, nta nău dơh nơih an hun hao, n’hao nău dơi, rup ndah bah Việt Nam ta lam ntur neh. LHQ lĕ kơl an Việt Nam tâm nău kan njrăng, rdâng nuh srê Covid-19, kơl tay an Việt Nam hun hao nău wăng sa lôch nuh srê, hăn ndrel đah ndâk nsơm ăp nău tât mô ueh bâh Covid-19 đah nău rêh bâh nuĭh ƀon lan. Kruanh Quốc hội Vương Đình Huệ ŭch, LHQ n’hao tay nău kan mât nâp đăp mpăn n’hanh rnă njrăng lam ntur neh, ntrôl tâm ryơk luật pháp lam ntur neh, kơl an ăp dak, tâm nĕ geh Việt Nam ƀư tĭng bôk nău kan Nghị sự yor nău hun hao nâp nâl.

Nu^h rblang: Thị Đoắt