VOV4.M’nông: Ôi 17/8, ta Ngih kan Quốc hội, Kruanh Quốc hội Vương Đình Huệ ƀư tơm ndrel ntoh nau ta nar rƀŭn tal 2 bah Uỷ ban Rnâng kan Quốc hội. Ntoh nau ta nar rƀŭn, Kruanh Quốc hội Vương Đình Huệ đă ân geh rklaih ân dơi nau kan nkrê nkhôm tĭng trong tâm ndơn, tâm rlong ma nau ân geh bu rnê nkhôm. Uỷ ban Rnâng kan Quốc hội kŏ đă Chính phủ lŏ geh nau kơp uănh đah ăp nau ntop tay nau kan rnê nkhôm “Huy chương druh ndăm xung phong ueh ang” tâm nau kan Luật tâm rlong (rgâl nkra). Rgop nau mpeh nau mbơh bah Chính phủ tâm nau ƀư ăp nau kan kơl an bah BHXH, mât ndrel dŏng tơm prăk BHXH năm 2020, Uỷ ban Rnâng kan Quốc hội đă Quốc hội lŏ n’hao nau kan mêt uănh nau ƀư nau kan, pháp luật mpeh BHXH, bảo hiểm roh kan pah. Kêng măng, uỷ ban Rnâng kan Quốc hội uănh, ntrŭnh mpeh nau kan, nau ƀư ndrel rnoh nau pă ntop bôk nau kan trok tâm ƀa ƀơ mpeh tơm prăk Ngih dak năm 2022 ndrel uănh nau đă mêt uănh bah Hội đồng Dân tộc mpeh nau kơp dơn gôl yôk, nkuăl prêh./.

Nŭih rblang: H’Thi