VOV4.Mnông- Ôi nar 4/11, kruanh Quốc hội Vương Đình Huệ lĕ leo rơh rƀŭn nchră mbơh ƀư tĭng bôk nău kan uănh nđôi bâh Quốc hội n’hanh Ủy ban rnâng kan Quốc hội năm 2022. Rơh rƀŭn nchră geh tâm rgop kan sŏng dăng tât 63 ntŭk ta ăp n’gor, nkuăl ƀon têh tâm lam dak.

Ntoh ngơi ta rơh ntơm pơk rƀŭn nchră, kruanh QH Vương Đình Huệ an gĭt, tâm ba năp nơh, Ủy ban rnâng kan Quốc hội lĕ rgum lĕ săk soan, ntêm âk mông nar, rnoh nuĭh kan, an nău nchrăp kan uănh nđôi. Tâm năm 2022, Quốc hội mbra ƀư 4 rơh uănh nđôi bôk nău, tâm nĕ geh 2 rơh uănh nđôi gâl têh bâh Quốc hội, bôk nău ƀư tĭng nău kơl, pháp luật mpeh nău nchrăp kan kơp bâh ntơm Luật nchrăp kan geh tam ƀư tĭng, ƀư tĭng nău leo kan pháp luật mpeh dŏng mpêt nkrem, njrăng mpŭng lir lvang năm 2016-2021. Tâm lĕ 4 rơh uănh nđôi, ủy ban rnâng kan Quốc hội geh nău nchrăp rgum ăp ntŭk kan bâh Quốc hội, nkre lah pă nău kan an 63 mpôl đại biểu Quốc hội ăp n’gor, nkuăl ƀon têh Trung ương mât uănh n’hanh 63 HĐND ăp n’gor, nkuăl ƀon têh Trung ương tât râng, rgum lĕ mpôl kan têh, ăp mpôl kan tât râng nău kan.

Nuĭh rblang: Thị Đoắt