VOV4.M’nông: Dĭng nar 12/9, Kruanh Quốc hội Vương Đình Huệ ndrel rmôt kan ntoh măt gưl prêh Quốc hội dak nơm hŏ tât tach ndeh mpăr Nội Bài, Hà Nội lôch rơh khâl ueh lăng râng rƀŭn ăp Kruanh Quốc hội lam ntur neh tal 5 ta dak Á, khâl ndel pah kan ta Châu Âu, dak Bỉ ndrel khâl ngăn dak Phần Lan ntơm lơ 5-11/9. Rơh khâl pah kan tât 3 dak Châu Âu, yơn Kruanh Quốc hội Vương Đình Huệ ndrel rmôt kan ntoh măt gưl prêh dak nơm hŏ pah kan ma 5 dak kan nsum ndrel râng rlau 70 nau kan âk ding, 2 ding.

Ngăn lah, ta rơh khâl aơ, Chính phủ Bỉ hŏ pă ân rmôt kan 100 rbăn dĭng vắc xin, Chính phủ Slovakia pă 100 rbăn dĭng vắc xin, tâm di đê̆ dak êng kŏ uănh nau kơl an Việt Nam vắc xin ndrel ndơ dŏng gay ma njrăng, rdâng srê. Du đê̆ ntŭk kan, rmôt kan dak ba dih, ăp rmôt kan têh bah Việt Nam tâm dak ba dih kŏ rvăt pă ân ăp ndoh ndơ njrăng, rdâng srê Covid-19 tay kơl an ân Việt Nam đah rnoh rlau 1.028 rmen prăk./.

Nŭih rblang: H’Thi