VOV4.M’nông: Kêng măng 6/9, Kruanh Quốc hội Vương Đình Huệ hŏ geh rơh tâm mâp đah Kruanh Liên minh Nghị viện lam ntur neh (IPU) Duarta Pacheco. Kruanh Quốc hội lah rjăp, nau râng ăp nau kan bah IPU lah du nau kan khlay tâm nau kan nchră nau âk ding bah Việt Nam gay ntrŭt dăng ndrel mât ăp nau dơi, ntoh nau mĭn bah neh dak mpeh nau kơl an nsum nbah lam ntur neh. Kruanh Quốc hội ntoh 3 nau đă gay IPU jêng du ntŭk ƀư nau kan săk nâp lơn tay. Ntoh nau tâm di đah ăp nau đă, Kruanh IPU Duarta Pacheco lah rjăp, mra tât Hà Nội gay tâm nchră, ƀư nâp gay ma ntrŭnh ăp nau kan bah Việt Nam, tâm nê geh ăp nau ƀư tâm nchră tĭng nkô̆, rơh rƀŭn nkuăl mpeh nau ndâk văng sa, rơh nchră lam ntur neh ăp nghị sĩ mom…đah ăp rơh rƀŭn đại hội đồng IPU./.

Nŭih rblang: H’Thi