VOV4.M’nông – Kêng măng 25/8, Đại hội đồng nghị viện Hiệp hội ăp dak Đông Nam Á rơh tal 42 (AIPA-42) lĕ rƀŭn n’glôch jêh, lôch 3 nar pah kan pơk sŏng dăng ndăn ngăch, săk rnglăy. Mpôl ntoh măt gưl prêh Quốc hội Việt Nam yor Kruanh Quốc hội Vương Đình Huệ leo trong râng ta ntŭk ƀoh Hà Nội. Ta rơh n’glôch jêh, Kruanh AIPA, Kruanh Hội đồng Lập pháp Brunei Áp-đun Ra-man Tay-íp nkoch kloh, Đại hội đồng lĕ lah rjăp nău khlay bah kan ndrel nghị viện, lơn lah ăp tâm ton bah AIPA tâm nău ndâk njêng nsum mpôl ASEAN gay ndâk njêng ntŭk ntô tâm rnglăp, đăp mpăn, uĕh lăng nsum an nkual. Jêh rnôk lôch ƀư rƀŭn lĕ geh ƀư jao an gưl kan Kruanh AIPA năm 2022. Campuchia na nê̆ dơn ƀư Kruanh AIPA năm 2022. Kruanh AIPA-43 mbơh, Quốc hội dak Campuchia mbra ƀư tơm Đại hội đồng AIPA-43 bah nar 12/9/2022. Yơn lah, tâm rnôk chôt srê Covid-19 dôl geh âk jêr jŏt ri trong ƀư mô hŏ dơi ntrŭnh.

Nŭih rblang: Y Sưng Phê Ja