VOV4.M’nông: Ndơn nau jă bah Kruanh AIPA Pehin Dato Abdul Rahman Taib, Kruanh Hội đồng lập pháp dak Brunei Darussalam, rmôt kan ntoh măt Quốc hội Việt Nam yor Kruanh Quốc hội Vương Đình Huệ leo bôk hŏ râng Đại hội đồng AIPA tal 42 (AIPA) tĭng nau kan trực tuyến, geh ƀư tâm lơ 23-25/8 đah nkô̆ nau “Hun hao nau tâm boh kan nsum tâm nau kan mrô geh rgƀŏng tât nsum mpôl ASEAN năm 2025”. Aơ lah nau kan tâm nchră âk ding ntơm geh ƀư bah Kruanh Quốc hội ndrel rmôt kan ntoh măt gưl prêh Quốc hội Việt Nam gưl 15. Nchrăp, Kruanh Quốc hội Vương Đình Huệ mra geh nau ntoh khlay tâm rơh rƀŭn dĭng lĕ Đại hội đồng AIPA 42, ntrơn mbơh nau kan mpeh du dak Việt Nam mô nsrŭng rgâl mhe, Quốc hội Việt Nam geh nau kan, nsôih ƀư ndrel nchrăp ngăn tâm nau tâm boh âk ding bah nkuăl./.

Nŭih rblang: H’Thi