VOV4.M'nông: Kêng măng 30/8, ta Jay Quốc hội, Kruanh Quốc hội Vương Đình Huệ tâm nchră pơk sŏng dăng đah kruanh Quốc hội Thái Lan Chuan Leekpai. Ta rơh tâm nchră, bar kruanh Quốc hội an lah da dê, bar ding way mât trong tâm mâp gưl têh mbro n'hanh ăp gưl, lơn lah ăp nău way tâm boh bar ding dôl geh aƀaơ.

Nkre ơm ƀư lôch jêh n'hanh ký ton bôk nău kan an ƀư tâm boh jŏ jong lvang năm 2021- 2025; ntrôl ngăch tâm nchră, ký ton si ƀŭt tâm di khlay kơt nău tâm ton leo nsĭt nuĭh tih, tâm ton tâm kơl tư pháp tâm trong kan ƀon lan ngăn. Mpeh tâm boh đah bar Quốc hội, Kruanh Quốc hội bar dak an lah da dê, bar ding ân n'hao âk tâm khâl gưl têh n'hanh ăp ủy ban, tâm boh đah ăp nhih pah kan rnâng kan bah Quốc hội. Bar Quốc hội tâm boh lhăt ta ăp tơ̆ rgum nchră ta nkual n'hanh lam ntŭr neh; kơl nău mĭn nsum mpeh ăp nkô̆ nău ta nkual n'hanh lam ntŭr neh ma bar ding ndrel uănh khlay nsum./.

Nuĭh rblang: Điểu Thân