VOV4.M’nông – Ta Thủ đô Brussel, dak Bỉ, Kruanh Quốc hội Vương Đình Huệ lĕ rgum nchră đah Kruanh Hội đồng châu Âu Charles Michel. Uănh lah prêh nkô̆ nău rơh khâl n’hanh pah kan ta EU rơh aơ bah mpôl đại biểu gưl prêh Quốc hội Việt Nam jêh âk khay khuch bah sêr, Kruanh EC an lah, srê covid-19 geh jêr jŏt ta lam ntŭr neh lĕ khuch tât ngăch n’hanh săk rnglăy bah nău ƀư tĭng tâm ton EVFTA; lah rjăp êp tât 2 ding an joi nău geh ơm têh ma tâm ton aơ nsĭt tay. Kruanh Charles Michel nkoch nău mĭn êng mpeh đăp mpăn n’hanh rnă njrăng ta Ấn Độ Dương-Thái Bình Dương, nău way tâm ryơk pháp luật n’hanh mĭn lah EU ŭch pơk hvi n’hanh ƀư jru lơn kan ndrel đah nkual Đông Nam Á, tâm nĕ geh Việt Nam. Kruanh Quốc hội Vương Đình Huê mĭn lah, Việt Nam tâm rgop rjăp đah EU n’hanh EP ta ăp trong ƀư kan ndrel ăp ding; nchrăp ƀư boăt nthoi ntrôl tâm boh EU-ASEAN tâm di đah kan ndrel ASEAN-EU mhe ký ton.

Nŭih rblang: Y Sưng Phê Ja