VOV4.M’nông – Dơn nău jă bah Kruanh Quốc hội Phần Lan Anu Vehvilainen, Kruanh Quốc hội Vương Đình Huệ n’hanh Mpôl đại biểu gưl prêh Quốc hội Việt Nam khâl na nê̆ Cộng hòa Phần Lan bah 10-11/9. Ôi 10/9, ta thủ đô Helsinki Kruanh Quốc hội Phần Lan Anu Vehvilainen lĕ ƀư tơm wơt na nê̆ Kruanh Quốc hội Vương Đình Huệ.

Kruanh Quốc hội Vương Đình Huệ rgum nchră Kruanh Hội đồng Phần Lan

Jêh ƀư wơt, Kruanh Quốc hội Vương Đình Huệ n’hanh Kruanh Quốc hội Phần Lan Anu Vehvilainen n’hanh mpôl ntoh măt gưl prêh Quốc hội 2 dak ntơm tâm nchră. Tâm rgum nchră, 2 ding an lah, tâm boh kan ndrel đah Quốc hội 2 dak dơi mât uĕh tă bah tâm rgâl du đêt mpôl gưl kruanh n’hanh ăp ngih pah kan bah Quốc hội. Quốc hội 2 ding an tâm rgop geh nău ngơi n’hanh rgop khlay tâm boh đah EU n’hanh ASEAN kơt ta ăp trong ƀư ma 2 dak lah nuĭh kan ndrel n’hanh tâm ăp nău 2 ding geh nău mĭn nsum kơt nău ƀư tơm bah chủ nghĩa ăp ding gay ntrôl đăp mpăn, nău dơi kon nuĭh n’hanh hun hao nâp.

Nuĭh rblang: Y Sưng Phê Ja