VOV4.Mnông- Di rơh kahgĭt nar Doanh nhân Việt Nam, măng nar 12/10, kruanh Quốc hội Vương Đình Huệ tâm mâp măt mpôl doanh nghiệp bâh “Rơh tâm mâp ăp nuĭh leo kan doanh nghiệp Việt Nam n’hanh rnê ăp nău ntơ ntoh lư”. Kơp dơn nău tâm rgop bâh nuĭh leo kan ăp doanh nghiệp ta rơh tâm mâp, kruanh Quốc hội Vương Đình Huệ  an lah, aơ lah nău ntrŭnh, ntrong kan bâh Đảng, Quốc hội n’hanh chính phủ tâm lvang rơh mhe mpŏng tât gay ma ndâk nsơm, ntrôl an hun hao n’hanh nâp nâl.

Kruanh Quốc hội Vương Đình Huệ tâm mâp măt mpôl doanh nghiệp bâh “rơh tâm mâp ăp nuĭh leo kan doanh nghiệp Việt Nam”. 

Tâm nău nchrăp njêng tay nău wăng sa bâh 5 năm tât tay tâm ban kơt nău nchrăp bâh năm 2022, Ủy ban rnâng kan Qh lĕ tâm nchră, dơn ngoăy âk, njêng tay nău wăng sa ndrel đah bôk nău kan lĕ rngôch tâm di, ndâk nsơm n’hanh hun hao wăng sa rêh jêng, n’hao nău dơi leo kan tơm khlăy bâh n’gâng kan wăng sa, n’hao nău dơi tâm rdâng, tâm di đah ăp nău tât, ăp nău geh yor đăp mpăn wăng sa têh ta bah dih mô lah ăp nău geh tât rgâl trôk nar mih sial mô lah nuh srê.

Nuĭh rblang: Thị Đoắt