VOV4.Mnông- Kruanh Quốc hội Vương Đình Huệ tât ta Bỉ n’hanh geh rơh tâm nchră đah kruanh Nghị viện châu âu (EP) David Sassoli. Kruanh Nghị viện Châu Âu David Sassoli rhơn vơt kruanh Quốc hội Vương Đình Huệ n’hanh mpôl pah kan gâl têh Quốc hội Vương Đình Huệ n’hanh mpôl đại biểu gâl têh Việt Nam lĕ săch Nghị viện Châu Âu lah ntŭk tât ta rơh pah kan bôk năp ta nău kan kruanh QH Việt Nam. Ta rơh tâm nchră, bar ding lĕ tâm mbơh tam rgâl âk ntil nău gay ma n’hao nău n’hanh ƀư ueh lơn nău tâm boh bar nghị viện, ntop ntrôl nău tâm boh Việt Nam-EU hun hao têh dăng lơn yor nău geh ueh an bar ding. Gay ma ntrôl dăng nău tâm boh kan wăng sa tăch rgâl an lĕ rngôch, kruanh QH Vương Đình Huệ mpơl nău uch rŏng, EP geh nău ngơi nsum gay ma nghị viện ăp dak an dŏng EVIPA ơm geh an dŏng nău ntrŭnh khlăy aơ, gay ma ntrôl nău tâm kơl, tâm di đah nău ŭch n’hanh nău geh bâh doanh nghiệp nkre lah n’hao nta nău dơh nơih gay ma ƀư tĭng Hiệp định EVFTA an geh săk rnglăy âk.

Nuih rblang: Thị Đoắt