VOV4.Mnông- Kêng măng nar 5-9, Kruanh Quốc Hội Vương Đình Huệ n’hanh mpôl đại biểu gâl têh Quốc hội dak he lĕ tât tach ndeh păr Schwechat, Thủ đô Viên, cộng hòa Áo tât râng rơh rƀŭn nchră ăp nuĭh kruanh Quốc hội lam ntur neh, tât khâl pah kan đah Nghị viện châu Âu (EP), ngih dak Bỉ n’hanh tât khâl ngăn ngên Cộng hòa Phần Lan. Tĭng nău nchrăp, lôch tât ta cộng hòa Áo, kruanh Quốc hội Vương Đình Huệ tâm mâp, tâm ngơi đah cán bộ Đại sứ quán Việt Nam ta Áo, ndơn kan kan an mpôl nuĭh Việt Nam gŭ ta Áo, Séc, Hungary, Slovakia. Aơ dơi uănh kơt lah du rơh tâm mâp ƀon lan dŭt khlăy bâh kruanh Quốc hội đah ƀon lan gŭ ta aơ. Tât râng rơh rƀŭn nchră ăp Kruanh lam ntur neh tal 5, ta ăp rơh rƀŭn nchră, Kruanh Quốc hội Vương Đình Huệ mbra geh nău ntoh ngơi dŭt khlăy tâm di đah nău mhe n’hanh nău kan bâh Việt Nam. Ta meng nĕ, ăp nuĭh kan ndrel bâh mpôl đại biểu gâl têh Quốc hội Việt Nam mbra geh tât râng ta ăp nău ntoh ngơi khlăy tâm di đah nău mhe n’hanh nău kơl kan bâh Việt Nam. Ta meng nĕ, ăp nuĭh kan bâh mpôl đại biểu gâl têh Quốc hội Việt Nam mbra tât râng ta ăp rơh tâm nchră geh ăp nkô̆ nău kơt lah: nău mât ntŭk gŭ rêh, rgâl mhe rnoh mbrô, nău tâm ban bu ur bu klô, pă nău mât kan an bu ur n’hanh mom ndăm, nău luật pháp lam ntur neh n’hanh âk nău êng geh nău khlăy ta lam ntur neh.

Kruanh Quốc hội tâm mâp măt Đại sứ quán Việt Nam ta Áo

          Ta meng rơh rƀŭn nchră, kruanh Quốc hội Vương Đình Huệ hôm nha geh ăp rơh tâm mâp bar ding đah kruanh Quốc hội ăp dak, geh ăp nuĭh kan ndrel, nuĭh kan ndrel ăp nău kan tâm ban kơt nuĭh kan ndrel ntŭk kan mbơh nău mhe bâh Việt Nam. Aơ lah rơh nkhêp ueh di, gay ma mbơh nău bâh Việt Nam tât nu^h leo kan ăp dak mpeh nău ŭch mpŏng bâh Việt Nam, geh ntrôl tay nău tâm boh tâm rnglăp way ơm, tâm ban kơt tâm kơl âk ding mpeh wăng sa, tăch rgâl, ntuh kơl, khoa học, nt^m nti, kĩ thuật, tâm ban kơt n’hao nău tâm boh kan nghị viện đah ăp dak.

Nuĭh rblang: Thị Đoắt