VOV4.M'nông: Nkhêp râng Tâm nchră Kruanh Quốc hội lam ntŭr neh tâl 5, Kruanh Quốc hội Vương Đình Huệ hŏ wơt groi kruanh Hạ viện dak Anh wa bu ur Eleanor Laing. Kruanh Quốc hội Vương Đình Huệ lah rjăp, Anh lah dak tâm boh tăch rgâl têh tâl 3 bah Việt Nam ta ntŭk tăch rgâl châu Âu, Hiệp định dah rŏng tăch rgâl geh nău tam ntơm bah nar 1/5/2021, nta trong dơh ntrŭt ntrôl dăng lơn đŏng tâm tăch rgâl bar dak.

Tât aƀaơ, Anh geh 421 trong nchrăp ntuh kơl tâm Việt Nam, đah lĕ rngôch tơm prăk 3,92 rmen đôlar.Kruanh Quốc hội Vương Đình Huệ lah rjăp, Việt Nam ŭch Anh n'hao dăng tâm boh wăng sa tăch rgâl đah nkual n'hanh mbra ntop kơl Anh tâm rnôk tâm nchră gay lăp nău tâm ton tâm boh lam lĕ rngôch n'hanh rgâl mhe rloh rlău Thái Bình Dương. Kruanh Quốc hội Vương Đình Huệ mĭn lah, bar dak ân uănh khlay rdâk njêng ăp trong ntĭt leo tâm boh geh nău tam, tâm di đah săk geh n'hanh tâm boh têh jong đah bar dak./.

Nuĭh rblang: Điểu Thân