VOV4.M'nông: Nkah ndray 76 năm Quốc khánh dak Cộng hòa xã hội Chủ nghĩa Việt Nam (2/9/1945 - 2/9/2021), ôi 1/9, Mpôl ntơh măt Ban Chấp hành Trung ương Đảng, Kruanh dak, Quốc hội, Chính phủ, Ủy ban Trung ương Mặt trận Tổ quốc Việt Nam hŏ an kao si, lăp Lăng weh chop Kruanh Hồ Chí Minh. Đah nuih n'hâm nkah gĭt dŭt n'hâm, Mpôl ntơh măt hŏ mpơl nuih n'hâm chŭn mbah, nkah gĭt n'hâm suan bah Kruanh Hồ Chí Minh đah n'gâng kan cách mạng bah Đảng n'hanh rnoi nuĭh.

Wa hŏ an lĕ du bông nău rêh an ƀon lan, an neh dak, leo Đảng he, ƀon lan he ƀư jêng ăp nău dơi n'gloh ang, ƀư chrat ntơr rnoi nuĭh he, neh dak he. Nkao si bah mpôl hăn geh nchih "Mbro mbrăng nkah gĭt Kruanh Hồ Chí Minh têh kuâng". Lôch nê, Mpôl ntơh măt Ban Chấp hành Trung ương Đảng, Kruanh dak, Quốc hội, Chính phủ, Ủy ban Trung ương Mặt trận Tổ quốc Việt Nam hŏ tât an kao si n'hanh mpoh nhang nkah gĭt ăp tahen ơm dăng janh khĭt tâm lơh tâm su ta ndah rup nkah gĭt ăp tahen ơm dăng janh khĭt tâm lơh, trong Bắc Sơn, Hà Nội.

Nuĭh rblang: Điểu Thân