VOV4.M’nông: Ôi lơ 8/10, tâm nkuăl Châu Thành, n’gor Tây Ninh, wa Nguyễn Trọng Nghĩa, Bí thư Trung ương Đảng, Kruanh Rnâng kan Tuyên giáo Trung ương, ntoh măt Quốc hội n’gor Tây Ninh geh nar tâm mâp ma cử tri tâm n’gor lor ma rƀŭn tal 2, Quốc hội gưl XV. Ta nar mâp, ntoh măt Quốc hội Hoàng Thị Thanh Thuý, Groi Kruanh rmôt kan ntoh măt Quốc hội n’gor Tây Ninh mbơh nau njrăng rdâng srê Covid-19 tâm n’gor. Tâm nê, ta Tây Ninh, srê Covid-19 hôm geh nkân ueh yơn ê nâp, rnoh nŭih ntưp tâm ƀon lan hôm âk. Rnôk aơ n’gor dôl ntrŭt dăng nau chuh vắc xin, ntrŭnh ƀư ueh ăp nau kơl an, ăp nau kơl ndâk ntŭk kan ƀư nau ndâk tay...Cử tri đă ân geh ntrŭt dăng nau nkoch mbơh, gay ƀon lan saơ kloh nau khuch bah srê ndrel geh nau ƀư ueh lơn. Tâm nau kơl an ăp nŭih geh nau khuch yor srê Covid-19 ri ân geh pơk hvi, ân geh rgum tâm nau kơl rvăt vắc xin gay ngăch ndâk nau kan ê nkra tăch rgâl./.

Nŭih rblang: H’Thi