VOV4.M'nông: Mbah rhơn nkah ndray 65 năm nar njêng hội liên hiệp druh ndăm Việt Nam (15/10), Hội Liên hiệp druh ndăm Việt Nam n'gor Dak Lak hŏ rgŏ jă rơh tâm rlong khay âk nău kan đah ăp nkô̆ nău kan na nê̆, tâm di đah nău ngăn geh n'hanh nô nău nuh srê ta ăp gưl hội. Đah gưl n'gor njăr trong hăn gâp rŏng neh dak gâp hŏ pă an 10 mblâm jay tâm rŏng, 9 tach pah play, 3 njăr rup trong nkual ƀon têh, tăm rlău 25.000 tơm si.

Ndrel đah nê, Tỉnh Hội hŏ pă an 100 rkeh prăk tơm prăk njêng nău kan an druh ndăm, pă an rlău 28.000 dŭng nklâm ndơ n'hanh dŭng dak si đăp mpăn rêh jêng kon nuĭh tĭng bôk nău kan “Rkeh dŭng đăp mpăn rêh jêng" tă bah Trung Đoàn rgŏ jă. Ăp gưl hội geh âk trong ƀư ngăch ngăr, rgâl trong ƀư bah tât hăn na nê̆ tât pơk sŏng dăng, kơt: Rơh tâm rlong mprơ tiếng Anh, Rgum nchră ntơm njêng tăch rgâl blău ƀư mhe an druh ndăm, bôk nău kan "Ăp njuat jâng yor ma nsum mpôl" n'hanh "Ăp druh ndăm du ndrôm si ƀŭt ƀư băl"....

Nuĭh rblang: Điểu Thân