VOV4.M’nông: Ôi 25/5, Giám đốc Sở Y tế Lâm Đồng Nguyễn Đức Thuận an gĭt lĕ rngôch 120 ntil mham uănh năl bah ăp nuĭh geh tât nuĭh ji 3141 mô ntưp tâl 3 đah SARS-CoV-2. Kơp tât ôi 25/5, n'gor Lâm Đồng hŏ an gŭ rgum êng 355 nuĭh; tâm nê, ta ntŭk kan dak si 21 nuĭh; ta ăp nkual gŭ rgum êng 259 nuĭh n'hanh gŭ srang ngai êng ta jay 75 nuĭh. Geh tât nuĭh Covid-19 mbrô 3141 bah Bắc Ninh tă hăn tât Đà Lạt pâl nđaih ntơm bah nar 2-5/5, Lâm Đồng hŏ ƀoi tĭng têl ban geh  776 nuĭh. Aƀaơ dôl gŭ rgum êng 152 nuĭh. Lơn lah, ntơm bah nar 23 -25/5 hŏ geh 249 ntil mham uănh năl SARS-CoV-2 tâl 3 mô ntưp. Ăp nuĭh an gŭ rgum êng lôch uănh năl 3 tơ̆ mô ntưp đah SARS-CoV-2 hŏ dơn nău n'glêh an lôch jêh nar an gŭ rgum êng./.

Nuĭh rblang: Điểu Thân