VOV4.M’nông: Ôi lơ 20/10, ta Nkuăl ƀon têh Đà Lạt, Rmôt kan ntoh măt Quốc hội n’gor Lâm Đồng hŏ râng nar ntơm rƀŭn tal 2, Quốc hội gưl 15 đah nau ƀư trực tuyến. Ndrel ma ăp nau kan nsum bah lam dak, ăp ntoh măt bah rmôt kan n’gor Lâm Đồng hŏ nchrăp nkoch mbơh ăp nau rgop, nau đă bah cử tri tâm n’gor mpeh ăp nau ntoh, nau ê dơi ân geh Quốc hội, Chính phủ uănh, nchră ntrong kan gay năn rgâl ndrel rklaih nau khuch tâm rơh tât.

Wa Nguyễn Tạo, Groi kruanh rmôt kan ntoh măt Quốc hội n’gor Lâm Đồng mbơh, srê Covid-19 khuch ngăn tât 2 nau kan văng sa tơm bah n’gor lah tuch tăm ndrel pâl n’aih. Tâm nê, nau kan ndâk nau kan tuch tăm ndrel tăch ăp ntil ndơ tuch tăm, ngăn lah ăp ntil byăp, kao, play dôl geh ntŭk kan tuch tăm ăp nhoat rklaih, ƀư nau kan ê nkra, tuch tăm ân tâm di, tŏng dơi nau ŭch tâm rnôk mhe./.

Nŭih rblang: H’Thi