VOV4.M’nông – Kêng măng 4/7, N’gâng kan dak si n’gor Lâm Đồng an gĭt: nuĭh ntôn ntưp Covid-19 lah ƀĭt ndeh rdêng ndơ hăn Đà Lạt-Nkual ƀon têh HCM lĕ mô ntưp rơh 1 đah Covid-19. Ƀĭt ndeh aơ jêh rnôk rdêng ndơ bah nkual ƀon têh HCM hăn Đà Lạt, tât Jrô but uănh ji Đa Khoa-Ntŭk uănh nđôi kop ji n’gor Lâm Đồng gay uănh năl ngăch Covid-19 ri ntưp. Jêh rnôk nĕ, Ntŭk uănh nđôi kop ji n’gor Lâm Đồng lĕ sŏk mham uănh năl RT-PCR an saơ mô ntưp rơh 1 đah Covid-19. Kơt nĕ kơp tât nŭng nar 4/7, Lâm Đồng geh lĕ rngôch 5 nuĭh ntưp Covid-19, mô geh nuĭh ntưp mhe. Aƀaơ lam n’gor dôl nkhah êng 4.331 nuĭh, tâm nĕ geh 12 nuĭh nkhah êng ta ngih dak si, 287 nuĭh nkhah êng rgum n’hanh rlău 4.000 nuĭh nkhah êng ta jay.

         Nuĭh rblang: Y Sưng Phê Ja