VOV4.M’nông: Ôi 11/10, n’gor Lâm Đồng tâm rgop nsum đah ăp n’gâng kan êng bah n’gor Bình Dương, Đồng Nai, Bà Rịa-Vũng Tàu vơt rlau 1000 nŭih ƀon lan sĭt, Tâm trong hăn, rmôt kan kŏ geh ăp ntŭk kan kơl an, kơt: Rmôt cảnh sát mât gung trong leo trong, kơl an nau kan dak si lah geh nau ŭch ndal. Ăp nŭih sĭt ƀon nơm ân geh săm ƀŭt xét nghiệm mô geh ntưp hôm geh nau tam ndrel nôk tât nkuăl ân geh nkhah êng tĭng nau ntrŭnh.

Aơ lah rơh vơt ƀon lan tal 2 bah n’gor Lâm Đồng tâm 3 nar rlau aơ. Bah năp nê, Lâm Đồng hŏ leo rlau 2000 nŭih ƀon lan kol tâm nkuăl ƀon têh Hồ Chí Minh sĭt ƀon đăp mpăn. Bah năp nê, tâm ăp nar tât, âk n’gor, kuăl ƀon têh tâm lam dak lŏ tâm rgop đah nkuăl ƀon têh Hồ Chí Minh ndrel ăp n’gor kơt: Bình Dương, Đồng Nai, Bà Rịa-Vũng Tàu...gay ƀư vơt ƀon lan sĭt ƀon đah ăp trong ndeh, trong ndeh treng ndrel ndeh mpăr./.

Nŭih rblang: H’Thi