VOV4.M’nông: Lơ 20/7, n’gor Lâm Đồng lŏ kơp dơn geh tay 2 nŭih ntưp srê Covid-19 lah nŭih ƀĭt ndeh tâm n’gor. N’hao rnoh nŭih ntưp tâm n’gor nê lah 20 nŭih. Ăp nŭih ntưp Covid-19 tal 19 ndrel 20 ta Lâm Đồng lah nŭih mrô 53.038 ndrel 58.235 lah nŭih ƀĭt ndeh rdeng ndơ bah n’gor. Yor ăp nŭih mâp ma 2 nŭih ntưp mhe aơ jong tâm ăp nkuăl Đơn Dương, Đức Trọng, Lâm Hà, Di Linh, Bảo Lâm ndrel nkuăl ƀon têh Bảo Lộc.

N’gâng kan n’gor Lâm Đồng rgum âk rmôt kan ntrŭt dăng nau kan mêt uănh, nkhah, xét nghiệm ndrel uănh ăp ntil dak si. Ntơm măng 19/7 tât ôi 20/7, ăp mrôt kan hŏ joi leo geh 53 nŭih F1 ndrel 187 nŭih F2. N’gâng kan dak si Lâm Đồng kŏ ntrŭnh ndal 2 nau ntrŭnh đă gay ma joi ăp nŭih geh tât nŭih ntưp srê Covid-19./.

Nŭih rblang: H’Thi