VOV4.M’nông: Tât ôi 8/7, n'gor Lâm Đồng năl geh tay 3 nuĭh ntưp mhe, n'hao lĕ rngôch nuĭh ntưp Covid-19 bah n'gor hao 9 nuĭh. Rlău ma 6 nuĭh ntưp Covid-19 dơi năl bah năp nê ta nkuâl Đạ Tẻh, rkŭm nuĭh ntưp ji mhe dja lah 3 nuĭh manh gŭ n'hanh pah kan ta nkuâl Đơn Dương, dơi năl ntưp đah SARS-CoV-2 rnôk ndrel hăn tât nhih dak si Lâm Đồng uănh năl mham.

Na nê̆, tâm ôi 7/7, lĕ 3 nuĭh hăn ndeh ôtô bah nkuâl Đơn Dương tât nhih dak si n'gor Lâm Đồng (ta nkual ƀon têh Đà Lạt) gay uănh năl ngăch Covid-19 n'hanh kêng dŭt saơ ntưp. Lôch nê, Ntŭk rgum mât kân kop ji n'gor Lâm Đồng sŏl ntil mham ma kỹ thuật RT-PCR n'hanh an saơ mpơl ntưp đah SARS-CoV-2 tâm măng 7/7. Lôch saơ ăp nuĭh dja ntưp Covid-19, tâm măng 07/7, Sở Y tế Lâm Đồng hŏ njuăl si ƀŭt ngăch joi nuĭh geh tât, nkre an ƀư pah kan ƀoi tĭng. Tât ôi 8/7, mpôl kan dơi kan hŏ ƀoi tĭng, an gŭ rgum êng geh 85 F1 n'hanh 265 F2./.

Nuĭh rblang: Điểu Thân