VOV4.M'nông: Kêng măng 8/9, UBND n'gor Lâm Đồng hŏ geh si ƀŭt mpeh nău an du đêt nău kan, rhŏ dŏng nkre đah pah kan njrăng, n'gang nuh srê Cvid-19 tâm nô nău mhe. Aƀaơ n'gor Lâm Đồng hŏ mât kân dơi nuh srê, geh ma nău nuh srê lăp tâm n'gor bah ăp nuĭh ƀĭt ndeh, groi nuĭh ƀĭt ndeh rdeng ndơ n'hanh ƀon lan bah n'gor plơ̆ sĭt bah tơm nuh srê. Đah ăp ntŭk nuh srê mhe ntoh aƀaơ hŏ dơi mât kân uĕh.

Gay đăp mpăn tĭng ƀư geh nău tam "rnoh tât kan ndrop" njrăng n'gang nuh srê n'hanh hun hao wăng sa- rêh jêng kon nuĭh, nta trong dơh an doanh nghiệp, nuĭh ƀon lan hŭch bah ir jêr jŏt, UBND n'gor Lâm Đồng đă ăp ntŭk, ăp n'gâng kan, nsum mpôl n'hanh UBND ăp nkuâl, nkual ƀon têh tâm n'gor an plơ̆ kan tay du đêt ndơ rhŏ dŏng kơp ntơm bah 5h kêng măng nar 8/9; manh rlu ƀư ăp ntŭk nking kâp mât kân njrăng n'gang nuh srê Covid-19 tâm trôm n'gor. Êng ăp ntŭk nking kâp ta mpông rlong luh lăp, tâm n'gor mât ƀư tay đŏng./.

Nuĭh rblang: Điểu Thân