VOV4.M’nông: Ơi kônh wa n’hanh băl mpôl! Ăp năm, geh nklăp 8.000 tât 10.000 nu^h kan hăn tât Lâm Đồng joi nău kan, yơn ăp nu^h tơm ndranh joi nău kan dơn mât 1/10 tâm rnoh nê dơm. A[aơ, dôl tâm khay klêh cà phê, nu^h kan dah ro\ng hăn tât n’gor kan du\t âk. Ndr^, mhâm [ư gay đăp mpăn geh tâm ban bah nu^h kan, nu^h tơm do\ng nu^h kan, nkre đăp mpăn rnă njrăng ta n’gor?  

Yuh Vũ Thị Thu, ntơh măt du công ty ndranh joi nu^h kan ta nkuâl Lâm Hà, n’gor Lâm Đồng an g^t, t^ng nău đă bah nhih pah kan dơi kan, tâm rnôk [ư ndranh joi nu^h kan, nhih pah kan ân g^t ăp to\ng ăp ntil nău lư mpeh nu^h kan lor rnôk [ư tâm ton đah nu^h tơm [ư ndranh n’hanh nu^h tơm do\ng nu^h kan, măt êng 2 ding mâp lor gay ôp, tâm ban u\ch nău kan gay der bah tâm rlăch tâm janh nkhêp geh đo\ng. Yuh Vũ Thị Thu, lah:

“Nu^h kan tât ri he ân đăng ký ta ntu\k, he ân ôp kloh rvah mpeh nău kan, rnoh prăk khay đo\ng … Rlău ma nê, he ân nt^m nti do\ng nu^h kan rnôk wơt nu^h kan s^t ri ân mhâm [ư gay [ư đăng ký manh gu\ ta ntu\k ma rnăk wâl he gu\”.

Rlău ma g^t kloh rnăk wâl nu^h kan, đăp mpăn mbơh kloh, đăng ký manh gu\ t^ng nău way, n’gâng kan ta ntu\k hôm uănh khlay pah kan njrăng n’gang nuh srê Covid-19. T^ng wa Bùi Đức An, Groi kruanh UBND thị trấn Nam Ban, nkuâl Lâm Hà, rlău ma rnoh nu^h kan ta ăp nău kan êng êng, nu^h kan ân klêh cà phê t^ng khay ho\ hao âk ndal đo\ng [ư nău mât njrăng mâp âk jêr jo\t. Jêng ntơm bah bôk khay klêh cà phê, nkuâl ho\ an t^ng [ư jăp ăp nău way bah pháp luật.

 “Đah n’gâng kan ta ntu\k ri ho\ rgum rđău đă nkra ăp nkô| nău geh tât manh gu\ ta ntu\k gay klêh cà phê an kônh wa [on lan. Lơn lah, pah kan njrăng n’gang nuh srê way an [ư lor dâk bôk năp, di t^ng nău ntru\nh bah Thủ tướng Chính phủ n’hanh nău rđău đă bah UBND n’gor Lâm Đồng”.

T^ng wa Đinh Đức Chí, Groi kruanh UBND nkuâl Lâm Hà (Lâm Đồng), ntơm nơh, pah kan mât uănh nu^h kan dah ro\ng hăn mô ho\ jăp jêng tât geh nău roh đăp mpăn rnă njrăng ta ntu\k duh hô, an geh ăp nău nkh^t nu^h krit nji ma mpôl tih lah nu^h kan dah ro\ng tât. Gay rgâl bah nô nău dja, tâm 2 năm aơ, pah kan mât uănh nu^h kan way dơi n’hao dăng n’hanh ntrôl dăng. Nơm geh kơt nê|, nô nău đăp mpăn rnă njrăng ta ntu\k way dơi mât đăp mpăn, mô geh ntoh luh ăp nău tâm rkeh đah nu^h kan n’hanh nu^h tơm do\ng nu^h kan.

“Gay mât uănh nu^h kan dah ro\ng ta ntu\k ri nkuâl ho\ n’hao dăng hăn ôp uănh ăp nhih pah kan tơm [ư ndranh joi nu^h kan gay khân păng [ư di nău way. Rđău đă ăp n’gâng kan dơi kan công an n’hanh ăp ntu\k n’hao dăng mât uănh nu^h kan dah ro\ng tât. Nkoch trêng an nu^h tơm do\ng nu^h kan r[ah g^t rêng mât, ân g^t dơi tơm gu\ nu^h kan, n’hao dăng ăp rmôt Tổ liên gia, Đội dân phòng. Công an ri n’hao dăng hăn rsong uănh treng nđôi gay mât njrăng ndơ tuch tăm tâm ban kơt mât njrăng đăp mpăn ta ntu\k”.

A[aơ, r^ng ăp năm ăp ntu\k ta n’gor Lâm Đồng dơn ntơm bah 8.000 tât 10.000 nu^h kan dah ro\ng, nu^h kan lăp gu\ tât pah kan. Le\ rngôch lah ăp nu^h kan ma jâng ti kơt: klêh cà phê; [ư mir; kơl tăch ndơ…Tâm nê, rnoh nu^h kan tă bah ăp công ty, ntu\k rgum ndranh joi nău kan nklăp 700-800 nu^h, hôm [a [a\ lah nu^h kan hăn dăn joi êng ta ăp rnăk wâl, doanh nghiệp dôl u\ch geh nu^h kan t^ng khay kan. Yor kơt nê|, gay t^ng [ư jăp pah kan mât uănh, ăp n’gor ho\ an [ư n’hao dăng ăp trong mât bôk nu^h kan, n’hao dăng pah kan hăn ôp uănh, lôch nê nking nchăng nu^h tih, mât nâp đăp mpăn rnă njrăng ta ăp n’gor geh âk nu^h dah ro\ng lăp joi kan. Đah doanh nghiệp rnôk do\ng nu^h kan t^ng [ư nău ton đah pah công an ta ntu\k tâm nău mât uănh, do\ng, r[ah g^t rnăk wâl, ntu\k gu\ rêh na nê| bah nu^h tât dăn kan, n’gluh chứng minh nhân dân, rup gui bah nu^h kan….

Đah nău nsrôih lăp kan ngăn bah ăp gưl, ăp n’gâng kan n’hanh t^ng [ư jăp ăp quy định mpeh nchih mbơh ntu\k manh gu\, mât jăp nu^h kan dah ro\ng tâm ban kơt nta trong dơh an nu^h kan geh joi nău kan n’hanh ns^t geh wa\ng sa, n’hao nuih n’hâm njrăng êng mô dơn đăp mpăn mpeh rnă njrăng, ma hôm geh trong nkra tam gay t^ng [ư jăp pah kan mât do\ng nu^h kan, nu^h tơm do\ng nu^h kan ta ăp nkuâl ta n’gor Lâm Đồng tâm khay klêh cà phê a[aơ./.

Nu^h rblang: Điểu Thân