VOV4.M’nông: Lơ 15/12, n’gor Lâm Đồng kơp dơn geh 284 nŭih ntưp srê Covid-19 mhe, lah rnoh ntưp tâm 2 nar rlau aơ âk ngăn kơp ntơm sa ơm tât rnôk aơ. Tâm rnoh 284 nŭih mhe ntưp bah lam n’gor, 4 nkuăl ndrel nkuăl ƀon têh geh âk srê ntoh Covid-19 ntoh ngăn lah Đà Lạt, Di Linh, Đức Trọng ndrel Đạ Huoai geh 217 nŭih. Nau tât bah srê Covid-19 lơn ma jêr kơp ntơm bôk khay 12 đah bơi tât 2.500 nŭih ntưp tâm n’gul khlay, âk ngăn tâm nkuăl Tây Nguyên.

Tât lơ 15/12, lam nkuăl geh 5.983 nŭih ntưp srê Covid-19, tâm nê geh 2. 864 nŭih dôl săm. Rdâng đah nau ntưp srê Covid-19 hao âk, N’gâng kan dak si Lâm Đồng hŏ pă mrô ân 3 ntŭk săm Covid-19, đah 570 nsưng săm, ân ăp nŭih ji F0 mô lăng jâk ndrel mô geh nau mpơl hô. Tâm rnôk nê, geh 2 ntŭk săm tâm nkuăl ƀon têh Đà Lạt ndrel nkuăl Di Linh./.

Nŭih rblang: H’Thi