VOV4.M’nông - Kơp tât 7/9, n’gor Lâm Đồng kơp dơn 259 nuĭh ntưp Covid-19. Tâm nĕ, geh 187 nuĭh ji lĕ dơi săm bah n’hanh hăn sĭt. Lạc Dương lah nkuăl bah n’gor Lâm Đồng mô hŏ kơp dơn nuĭh ntưp Covid-19. Dôl uănh lah, tâm rnoh ăp nuĭh ntưp Covid-19 ta n’gor, geh rlău 70% rnoh nuĭh lĕ dơi săm bah n’hanh hăn sĭt. 72 nuĭh ƀa ƀă dôl dơi uănh nđôi n’hanh săm ta ăp ngih dak si tâm n’gor.

Yơn nu nău chôt srê ta n’gor Lâm Đồng lĕ ntơm dơi uănh nđôi yơn hôm e geh jêr jŏt, Rnâng kan N’gor ủy Lâm Đồng mbơh đă UBND n’gor, Ƀan ntĭm rđău n’hanh Ntŭk ntĭm rđău njrăng, n’gang srê Covid-19 bah n’gor rgum ntĭm rđău ăp ntŭk, nău kan, ntŭk kan đah mô dơi thơ tha, lơn lah n’hao uănh nđôi rmôt ƀĭt ndeh, kơl rdêng ndoh ndơ tĭng nău ntrŭnh.

Nuĭh rblang: Y Sưng Phê Ja