VOV4.M’nông: N’gor Lâm Đồng lŏ kơp dơn geh tay 2 nŭih kan tâm ngih dak si ntưp ma srê Covid-19, 2 nŭih geh năl ntưp nê lah nŭih pah kan tâm khoa Nội A, Ngih dak si Da khoa n’gor Lâm Đồng ndrel nŭih hôm e đŏng lah nŭih pah kan bah ngih dak si nkuăl Di Linh. N’hao rnoh nŭih pah kan tâm ngih dak si tâm Lâm Đồng ntưp Covid-19 lah 5 nŭih, tâm nê ntưp srê Covid-19 dôl râng pah kan njrăng rdâng srê. Kơp tât rnôk aơ, Lâm Đồng geh 2.556 nŭih ntưp srê Covid-19, tâm nê geh 8 nŭih khĭt ndrel 676 nŭih hŏ săm bah. Rnoh nŭih ntưp ak ngăn lah tâm nkuăl ƀon têh Đà Lạt đah 606 nŭih, jêh nê lah nkuăl Đức Trọng 590 nŭih. 2 nkuăl geh rnoh nŭih ntưp Covid-19 đê̆ ngăn bah n’gor lah Cát Tiên ndrel Lạc Dương đah 16 nŭih./.

Nŭih rblang: H’Thi