VOV4.M’nông – Ôi 6/8, n’gor Lâm Đồng năl 4 nuĭh ntưp Covid-19 dơi saơ ta du ntŭk srê lah Công ty may DWS-Công ty TNHH sợi ta xă Trạm Hành, nkual ƀon têh Đà Lạt. Ta năp nĕ, ôi 5/7, Ngih dak si nkual ƀon têh Đà Lạt tât công ty aơ sŏk mham test ngăch ăp nuih kan n’hanh saơ 4 nuĭh ntôn ntưp. Jêh nĕ, Ntŭk uănh nđôi kop ji n’gor Lâm Đồng sŏk mham uănh năl PCR an saơ ntưp Covid-19.

Uănh năl mham nuĭh ƀon lan ta xă Trạm Hành, nkual ƀon têh Đà Lạt

Công ty TNHH Sợi Đà Lạt geh rlău 200 nuĭh pah kan, rnôk test ngăch geh rlău 100 nuĭh pah kan dôl kan. Jêh rnôk saơ geh nuĭh ntưp đah Covid-19, rmôt kan dơi kan lĕ uănh săch n’hanh ndơ̆ bơi 90 nuĭh pah kan tâm nuĭh F1 hăn nkhah rgum, nkre ƀư joi ăp nuĭh geh tât êng. Trong kan joi, nchoeng n’gang gay nking n’gang srê dôl dơi ăp rmôt kan dơi kan bah n’gor Lâm Đồng nsrôih ƀư.

Nŭih rblang: Y Sưng Phê Ja