VOV4.M’nông – Mpôl rdâk ƀư, nchrăp nău kan lam ntŭr neh Bôk nău kan Kon nuĭh n’hanh mpô mpa, si glê, neh ntu UNESCO mhe ƀư rƀŭn pơk sŏng dăng ta Nigeria, ƀư nklăch phiếu mbơh an sam ƀŭt rhăch nău ăp nkual mât ndray mpô mpa, si glê, neh ntu ta lam ntŭr neh. Tâm nĕ, Việt Nam geh 2 nkual mât ndray mpô mpa, si glê, neh ntu dơi an nklăch phiếu tâm rơh aơ lah Nkual mât ndray mpô mpa, si glê, neh ntu Nkual rđŭng yôk prêh Kon Hà Nừng (n’gor Gia Lai) n’hanh nkual mât ndray mpô mpa, si glê, neh ntu lah yôk Chúa (n’gor Ninh Thuận). Râng n’hanh ntoh ngơi ta rơh rƀŭn, Groi Kruanh UBND n’gor Gia Lai Kpă Thuyên an gĭt: Jêh rnôk dơi kơp dơn, UBND n’gor Gia Lai ton ƀư rjăp ăp nău ntrŭnh bah UNESCO gay đăp mpăn ăp rnoh ndơ ƀư n’hanh gưl kan bah du nkual mât ndray mpô mpa, si glê, neh ntu, rgâl jêng Nkual mât ndray mpô mpa, si glê, neh ntu Nkual rđŭng yôk prêh Kon Hà Nừng jêng ntrong kan hun hao wăng sa-rêh jêng nâp nâl bah n’gor, boăt nthoi tâm di đah mât rƀăy ăp ntil sinh học đah mât nău uĕh blău ăp rnoi mpôl đêt; đah hun hao wăng sa đah mât ndray ntŭk ntô gŭ âm, dŏng tâm di neh ntu bri dak, n’hao uĕh nău rêh, ntĭm nti n’hanh gŭ mĭn njêng khoa học.

Nuĭh rblang: Y Sưng Phê Ja