VOV4.M'nông: Măng 24/10, ƀư nkhôm rnê Báo chí Quốc gia tâl 15 hŏ ƀư ta Cung Văn hóa Lao động hữu nghị Việt Xô, Hà Nội. Aơ lah ndơ nkhôm rvê way ăp năm dŭt têh bah ăp nuĭh ƀư báo tâm lam dak. Tât râng geh Kruanh dak Nguyễn Xuân Phúc ndrel ăp kruanh rđău kan Đảng, Ngih dak. Nkhôm rnê báo chí Quốc gia tâl 15 – năm 2020 năl geh rnoh nuĭh râng, nău nchih dŭt âk mpưm bah ntơm tât aƀaơ, đah rlău 1800 nău nchih tât bah 63/63 Hội nhà báo n'gor, nkual ƀon têh. Tâm rnoh nê, 150 nău nchih dơi lăp tâm rlong n'glĕ dŭt. Aơ lah lor bôk năp Hội đồng Giải báo chí Quốc gia hŏ sơch geh 1 giải đặc biệt, ndrel đah nê, Hội đồng hŏ nkhôm an 9 Giải A,  25 giải B,  45 giải C n'hanh 32 giải Khuyến khích an ăp ntil báo chí. Đài Tiếng Nói Việt Nam rhơn n'hao êng săk dơn geh 3 giải B, 1 giải C n'hanh 1 giải Khuyến khích.

Nuĭh rblang: Điểu Thân