VOV4.Mnông- Tĭng nău mbơh bâh ntŭk kan lao động- thương binh n’hanh xã hội nkuăl ƀon têh Hồ Chí Minh, aƀaơ lĕ rngôch ăp nău pah kan ta nkuăl ƀon têh Hồ Chí Minh ŭch geh nuĭh pah kan da dê. Tâm nĕ du đê̆ n’gâng kan dôl geh ŭch kan têh kơt lah: Tăch rgâl an geh rlău 7.200 nuĭh kan, dịch vụ Logistics, ntŭk mât prăp ndơ an geh rlău 4.800 nuĭh kan, kế toán kiểm toán an geh rlău 3.300 nuĭh pah kan, ntŭk kan pâl nđaih, gŭ rlu, ngêt sông an geh bơi tât 2 rbăn nuĭh kan, kiến trúc an geh rlău 1.600 nuĭh pah kan, cơ khí rƀet êng an geh an geh 1.400 nuĭh pah kan, tăch mbơh ndơ an geh rlău 1.200 nuĭh pah kan...

Ŭch geh nuĭh pah kan ta nkuăl ƀon têh Hồ Chí Minh dŭt âk

Mpeh nău kan mbơh tơih rnoh kan kơl an tal 3, wa Nguyễn Văn Lâm groi giám đốc ntŭk kan lao động-thương binh xã hội nkuăl ƀon têh Hồ Chí Minh an gĭt, tât aƀaơ, nkuăl ƀon têh lĕ pă an rlău 3,7 rkeh nuĭh n’hanh rnoh aơ hôm nha hao tay tĭng mông. ntŭk kan lah na nê̆ tât nar 15/10 mbra lôch rơh pă tal 3.

Nuĭh rblang: Thị Đoắt